એ ખબર નથી…

શું જોઈએ છે મને , ક્યારેક એની ખબર નથી…

જોઇએ એ મળશે, શું મટી જશે તૃષ્ણા ? તેની પણ તો ખબર નથી…

કરૂ છું કામ બધા હું ખરેખર , રાખીને કૃષ્ણ ને સમક્ષ,

કૃષ્ણ કરાવે જે કર્મ ની રમત, એ લીલા ની છતાં , કંઇ ખબર નથી…

પ્રેમ છે આપણી વચ્ચે ઘણોએ, છે એની મને પાક્કી ખાત્રી,

પણ દર્શાવવો એ કેમ, કદાચ એની જ તને કંઇ ખબર નથી …

માંગું છું હું હકથી , શું ઠીક છે એ? સાચ્ચું- ખોટું ખબર નથી …

ધરી દીધી છે ફરી આજે અરજી મારી, વ્હાલા તારી સમક્ષ ,

અરજી ને મારી, તારી મરજી ની મોહર મળશે કે નહીં,

શું જરૂરી છે એ મોહર, કરવા પુરાવો પ્રેમ નો?

…એ વાતની…ખબર નથી….